(حب صافى) 4/ديسمبر/2017
=============================
=============================
بحبك........ كلمه فيها كتير معانى
وقربك..... بالنسبه لى كل الأمانى
وفرحك.. ماليش غيره طلب تانى
بحبك........... كلمه من اربع حروف
البه............. حرف يمحى اى خوف
والحه.....حنانها دافى دايما عطوف
والبه .........بهجه بتسعد الملهوف
والكاف ...كلام ف الهوى موصوف
حبى انا......... اقوى من كل الظروف
حبى ليكى حب غالى
حبى جوه القلب مالى
كل جوارحى وفوق خيالى
ومالى روحى حتى كيانى
بحبك............... كلمه فيها كتير معانى
حبى ليكى عشق روح
حب خالى من الجروح
حب فيا منين ما اروح
حب خلا الفرح جانى
بحبك ............كلمه فيها كتير معانى
حب حاسه غير ما فيا
حب فرح ما شاف اسيه
حب دنيا بفرحه جايه
حبك ما سابنى ولو سوانى
بحبك................ كلمه فيها كتير معانى
الشاعر. محمد الشاذلي
ليست هناك تعليقات:
إرسال تعليق