بقلم الكاتب"فارس غنام"

يا حب
ياحب يا حرفيـن مـش أكتـر
فيك البشـرعم تولـد وتكبـر
لولاك ما في قلـب حامـل قلب
وما في جفن مع جفن عم يسهر
...

...
يا حلوتي من بين كل النـاس
همـّك حملتو وقلت شو همّـك
أكتر ما حـب الخمر بوالنـواس
حبيّـت شوفـك كـاس تا شمّك
يا ساكري الخمرة بقلب الكاس
كاس الخمـر لما لمـس تمّك
بين الخمر والتّم والإحسـاس
ماعدت أعرف كيف عم بسكـر
...
يا حلوتي من غفـوة الإلهـام
اسقيني الشهد بحبك اسقينـي
ولما غرامـي يجـوع بالإيـام
إلا إلـك ما بقـول طعمينـي
ولما عيونـي بالحنيـن تنـام
بحرام روحــك دوم دفينّـي
تا كلمـا أوعـى من الأحـلام
إتصبّح بعنقــودك الأسمــر
...
محبوبتي أجمـل سحـر فيهـا
ولما رسمهـا الرب بالألـوان
جنـة عدن بستـان عاطيهـا
وع أرض جسمك في ألف بستان
والأرض لومـا الغيـم يرويها
ما حسّـت الأزهار بي نيسـان
ولوما بدمـع الحب إسقيهـا
بمحبوبتي فطّـّم نيسان الحب
ونيسانها بالـورد ما زهـّـر
 ...

أ